Psalms 97
Riiri wa Wathani wa Ngai
1 aJehova nĩarathamaka, thĩ nĩĩgĩkene;mabũrũri marĩa marĩ ndwere-inĩ cia iria nĩmacanjamũke.
2 bAthiũrũrũkĩirio nĩ matu na nduma ndumanu;
ũthingu na kĩhooto nĩcio mũthingi wa gĩtĩ gĩake kĩa ũnene.
3 cMwaki ũmũthiiaga mbere
ũgĩcinaga thũ ciake na mĩena yothe.
4 dHeni ciake imũrĩkaga thĩ yothe;
thĩ ĩcionaga ĩkainaina.
5 eIrĩma itwekaga o ta mũhũra mbere ya Jehova,
igatweka irĩ mbere ya Mwathani wa thĩ yothe.
6Igũrũ rĩanagĩrĩra ũthingu wake,
nao andũ othe makoona riiri wake.
7 fAndũ arĩa othe mahooyaga mĩhianano mĩicũhie nĩmaconorithagio,
acio meerahaga na mĩhianano:
inyuĩ ngai ici, mũinamĩrĩrei mũmũhooe.
8Zayuni ĩiguaga ũguo ĩgakena,
namo matũũra ma Juda magacanjamũka,
tondũ wa matuĩro maku ma ciira, Wee Jehova.
9Nĩgũkorwo Wee Jehova, nĩwe Ũrĩa-Ũrĩ-Igũrũ-Mũno wa thĩ yothe;
wee nĩũtũũgĩrĩtio mũno igũrũ rĩa ngai ciothe.
10 gArĩa endi Jehova nĩmathũũre ũũru,
nĩgũkorwo nĩagitagĩra mĩoyo ya arĩa ake ehokeku,
na akamateithũra kuuma moko-inĩ ma arĩa aaganu.
11 hŨtheri nĩwarĩire arĩa athingu
na arĩa arũngĩrĩru ngoro makaiyũrwo nĩ gĩkeno.
12Kenerai Jehova, inyuĩ arĩa athingu,
mũkĩgooce rĩĩtwa rĩake rĩamũre.
Copyright information for
KikGKY